ព្រះសីហនុ៖ នៅវេលាម៉ោង ១០និង៣០នាទីព្រឹក ថ្ងៃទី២៣ ខែកញ្ញា ឆ្នាំ២០២២ កម្លាំង សង្គ្រោះ បាន រក ឃើញ ជនជាតិចិតដែលលិចទូក ១នាក់ និង សាកសពអណ្ដែតទឹកជាស្ត្រីម្នាក់។
ការរកឃើញនេះដោយមានការរាយការណ៍ពីប្រជានេសាទនៅក្នុងក្រុងកោះរ៉ុង ។ ចំពោះអ្នកដែលនៅរស់យកមកប្រគល់ឱ្យអធិការដ្ឋាននគរបាលក្រុង កោះរ៉ុង ដោយឡែកសាកសពអណ្ដែតទឹកយកទៅទីបញ្ជាការ អង្គភាពបង្ក្រាបបទល្មើសលេីផ្ទៃសមុទ្រ ដេីម្បីប្រគល់បន្តទៅមន្ទីរពេទ្យបង្អែកខេត្តព្រះសីហនុធ្វើកោសល្យវិច្ច័យ។
តុល្យការចុងក្រោយ គិតត្រឹមម៉ោងនេះ ជនរងគ្រោះដោយសារលិចទូកនៅ ចំណុច និយាមកា ១០.២៥N ១០៣.១៦E នៅចន្លោះពយសារឿង និងកោះតាង ក្នុងភូមិសាស្រ្តខេត្តព្រះសីហនុ ចំនួនសរុប ៤១នាក់ ជួយសង្គ្រោះបាន ២០នាក់ (ស្លាប់ ១នាក់) និងបាត់ខ្លួន ២១នាក់ ដោយសមត្ថកិច្ច និងក្រុមជួយសង្រ្គោះកំពុងបន្តស្វែងរក ៕
